“СЫБАЙЛАС ЖЕМҚОРЛЫҚТАН АУЛАҚ БОЛ!” эссе байқауы

28.11.2024

2024 жылдың 28 қараша күні «Саналы ұрпақ» клубының ұйымдастыруымен, «Іле мұрагер» қоғамдық бірлестік, Іле ауданының ішкі саясат бөлімінің қолдауымен 1-2 курс  студенттері арасында сыбайлас жемқорлыққа төзбеушілік мәдениетін көтеру, қоғамдағы сыбайластыққа қарсы көзқарасты қалыптастыратын құндылықтар жүйесін сақтап, нығыздау мақсатында “СЫБАЙЛАС ЖЕМҚОРЛЫҚТАН АУЛАҚ БОЛ!” атты эссе (шығарма) байқауы өтті.

Байқауға колледждің әртүрлі мамандықтарынан студенттер қатысып, өздерінің шығармашылық қабілеттерін көрсетті. Эсселерде сыбайлас жемқорлықтың қоғамға, экономикаға және жеке тұлғаға тигізетін теріс әсерлері, сондай-ақ, адалдық пен жауапкершіліктің маңызы туралы ойлар айтылды.

Байқау нәтижесінде үздік жұмыстар анықталып, жеңімпаздар дипломдармен және сыйлықтармен марапатталды. Бұл шара студенттердің сыбайлас жемқорлыққа қарсы мәдениетін қалыптастыруға, сондай-ақ, қоғамдағы әділдік пен парасаттылықты насихаттауға бағытталған маңызды қадам болды.